Login
Lorem ipsum dolor sit amet, consectetur adipiscing elit. Morbi adipiscing gravdio, sit amet suscipit risus ultrices eu. Fusce viverra neque at purus laoreet consequa. Vivamus vulputate posuere nisl quis consequat.
Create an accountLost your password? Please enter your username and email address. You will receive a link to create a new password via email.
गर्भाची अनावश्यक वाढ अन सिझेरीयनचा उपाय
मूल जन्माला येणे ही एक नैसर्गिक प्रक्रिया आहे यादरम्यान निसर्ग गर्भासह मातेचे संरक्षण करतो.
नाशिक: मूल जन्माला येणे ही एक नैसर्गिक प्रक्रिया आहे. यादरम्यान निसर्ग गर्भासह मातेचे संरक्षण करतो. क्वचितच केसमध्ये गुंतागुंत निर्माण झाल्यास शस्त्रक्रियेसारखा पर्याय पुढे येऊ शकतो. मात्र, बदलत्या जीवनशैलीमुळे नैसर्गिक वरदानाची जागा शस्त्रक्रियेने घेतली असून, यात पैसे उकळण्याच्या नवनव्या वाटा शोधल्या जात आहेत.
मातेचे वजन, तिची प्रकृती यापलिकडे जाऊन औषधोपचारामुळे गर्भाची वाढ केली जाते, ही सिझेरीयनची पहिली पायरी ठरते. ज्या मातेच्या कुशीतून जितक्या वजनाचे बाळ नैसर्गिकरित्या बाहेर पडू शकते, तिथे औषधांच्या डोसांमुळे गर्भाचे वजन एक ते दीड किलो किंवा त्यापेक्षा जास्त वाढते. व्यायाम किंवा तत्सम कामे करण्याची जीवनशैली केव्हाच बाद ठरली असून, महिलांसाठी अशा बाळाला नैसर्गिकरित्या जन्म देणे त्रासदायक ठरते. महिलांची त्रास सहन करण्याची क्षमताच नसल्याचा फायदा थेट डॉक्टरांना होतो. याशिवाय नाळ गळ्यात अडकणे किंवा बाळाने शी करणे अशा कारणांमुळे सिझेरीयन करण्याकडे डॉक्टरांचा कल वाढला आहे. एका नैसर्गिक बाळंतपणासाठी महिलेच्या प्रकृतीनुसार अगदी १५ मिनिटांपासून एखाद्या तासापर्यंत वेळ लागतो. तसेच हॉस्पिटलमधील सुविधांनुसार अगदी १० हजारांपासून २५ हजारांपर्यंत खर्च येतो. पण तेच सिझेरीयनचा पर्याय वापरला गेला तर हा खर्च ५० ते ७५ हजारांच्या घरात पोहचतो. सिझेरीयन होण्यासाठी जीवनशैली हे महत्त्वाचे कारण ठरत असले तरी गर्भाच्या होणाऱ्या अनावश्यक वाढीबाबत गांभीर्याने विचार होणे गरजेचे आहे.
मेडिकल कौन्सिलरच नाही
उशिरा विवाह होण्याच्या मुलभूत कारणांमुळे किंवा जाणिवपूर्वक मातृत्व लांबवण्याच्या धोरणांमुळे अनेकदा गर्भधारणा होत नाही. अशावेळी टेस्ट ट्यूब बेबीसारख्या महागड्या उपचार पद्धतीचा अवलंब केला जातो. नैसर्गिक पद्धतीने गर्भधारणा होण्यासाठी कोणताही तणाव महत्त्वाचा ठरतो. त्यात अगदी तीन ते पाच लाख रुपयांपर्यंत खर्च करूनही गर्भधारणा होण्याची शक्यता कमी असल्याची जाणीव महिलांना असल्यास तणाव वाढतो. यामुळे गर्भधारणा न होणे, काही आठवड्यांनी गर्भपात होणे असे प्रकार घडतात. मोठ्या प्रमाणावर खर्च होऊनही यश पदरी पडत नसल्याने अशा महिलांची मानसिक स्थिती आणखी खालावते. अशावेळी सदर हॉस्पिटलमध्ये मेडिकल कौन्सिलर असणे आवश्यक आहे. मात्र, आज काही ठिकाणी हे काम समुपदेशनाचा कोणताही अनुभव नसलेल्या व्यक्ती करतात. या सुमपदेशनात फक्त पॅकेजच्या माहितीवर जोर दिला जातो. यामुळे गर्भधारणा होणे, गर्भ व्यवस्थित वाढणे आणि त्यानंतर बाळंतपण होणे याचे प्रमाण अवघे १०० पैकी १० इतके कमी आहे.
--------------------------- | --------------------------- |