Login
Lorem ipsum dolor sit amet, consectetur adipiscing elit. Morbi adipiscing gravdio, sit amet suscipit risus ultrices eu. Fusce viverra neque at purus laoreet consequa. Vivamus vulputate posuere nisl quis consequat.
Create an accountLost your password? Please enter your username and email address. You will receive a link to create a new password via email.
गर्भातील बाळाचं वजन वाढत नसेल तर हे ५ सुपरफुड्स खा आणि हेल्थी प्रेग्नेसी अनुभवा
प्रत्येक गर्भवती महिलेची इच्छा असते की, तिचे बाळ निरोगी आणि सुदृढ असावे. म्हणजेच प्रसूतीच्या वेळी बाळाचे वजन चांगले असावे. कारण अशक्त मुलांच्या तुलनेत, सशक्त बाळाला जन्मानंतर कोणत्याही गुंतागुंतीचा सामना करावा लागत नाही. गरोदरपणात स्त्रीने तिच्या आहाराची योग्य काळजी घेतली नाही, तर प्रसूतीच्यावेळी बाळाचे वजन योग्य भरत नाही.
प्रत्येक आईला आपलं मुलं सुदढ जन्माला यावं असं वाटतं. प्रसूती झाल्यानंतर प्रत्येकजण बाळाची तब्बेत आणि त्याचं वजन याबाबत विचारत असतं. कारणही अगदी तसंच आहे. बाळाचं उत्तम वजन त्याच्या पुढील निरोगी आयुष्यासाठी महत्वाचं असतं. अगदी सुरूवातीपासूनच त्याला आरोग्याच्या वेगवेगळ्या समस्या जाणवू नये असं प्रत्येकाला वाटत असतं. बाळाला पोषक तत्त्वे मिळणे आवश्यक असते. तसेच बाळाचा विकास बरोबर होणे गरजेचा असतो. त्यामुळे बाळ अशक्त होऊ नये म्हणून मातेने गर्भधारणेच्या वेळीच योग्य काळजी घेणं गरजेचं आहे. तुमच्या गर्भात वाढणाऱ्या बाळाचे वजन सामान्यपेक्षा कमी आहे असे तुम्हालाही वाटत असेल, तर तज्ज्ञांनी शिफारस केलेल्या या ५ सुपरफूडचा ताबडतोब तुमच्या आहारात समावेश करा.प्रत्येक गर्भवती महिलेने तिसऱ्या तिमाहीपासून हे सुपरफूड सेवन करणे आवश्यक आहे. यामुळे बाळाला भरपूर पोषक तत्वे मिळतात, त्यामुळे त्याच्या अवयवांचा विकास चांगला होतो आणि बाळाचे वजनही जन्मतःच योग्य असते. (फोटो सौजन्य - टाइम्स ऑफ इंडिया)
डेअरी प्रोडक्ट्स
गर्भधारणेदरम्यान स्त्रीने भरपूर दूध आणि दुग्धजन्य पदार्थांचा आहारात समावेश करावा. कारण त्यात कॅल्शियम, प्रथिने आणि इतर पोषक तत्वही भरपूर असतात. जे बाळाचे वजन वाढवण्यास मदत करतात. जर तुमच्या बाळाचे वजन सामान्यपेक्षा कमी असेल, तर तिसऱ्या तिमाहीपासून दिवसातून ३ ग्लास दूध पिण्यास सुरुवात करा. यासोबतच रोज एक वाटी दही सेवन करा. यामुळे बाळाचे वजन वाढण्यास मदत होईलच, शिवाय गर्भवती महिलेला पोटाच्या इतर समस्यांपासूनही दूर राहता येईल.
गर्भात वाढणाऱ्या बाळाचे वजन कमी असेल तर तुमचे डॉक्टरही अंडी खाण्याचा सल्ला देतात. अंड्यांमध्ये पुरेशा प्रमाणात प्रथिने आढळतात. जी गर्भधारणेदरम्यान घेणे अत्यंत आवश्यक आहे. गर्भाशयात वाढणाऱ्या बाळाची प्रत्येक पेशी प्रोटीनपासून बनलेली असते.
अशा परिस्थितीत गर्भवती महिलेने अंडी खाल्ल्यास गर्भाचा विकास चांगल्या पद्धतीने होतो. याच्या सेवनाने बालकातील मानसिक आजारांचा धोका कमी होतो आणि त्याच्या मेंदूचा विकासही होतो. यासोबतच याच्या सेवनाने मुलाचे एकूण वजन वाढेल.
गर्भवती महिलांना पहिल्यापासूनच पाण्यात भिजवलेले सुखा मेवा खाण्याचा सल्ला डॉक्टर देतात. त्याचे कारण असे आहे की, ते मुलाच्या वाढीसाठी चांगले आहे. प्रथिने आणि जीवनसत्त्वे सोबतच, त्यात जस्त, तांबे, फॉलिक ऍसिड आणि अनेक मायक्रोमिनरल असतात. जे तुमच्या मुलाच्या शारीरिक विकासासाठी तसेच मेंदूच्या विकासासाठी खूप महत्त्वाचे असतात.
तुम्ही बदाम, जर्दाळू, शेंगदाणे, अंजीर, अक्रोड आणि इतर ड्रायफ्रुट्स खाऊ शकता. तसेच डॉक्टर सुखा मेवा मोठ्या प्रमाणात न खाण्याचा देखील सल्ला दिला जातो. अशावेळी १२ तास पाण्यात भिजवून ठेवल्याने त्यातील उष्णतेचं प्रमाण कमी होतं. आणि ते हानिकारक होत नाही.
पालेभाज्या
गरोदरपणात आहार ही सर्वात महत्त्वाची भूमिका बजावते. गर्भाचे वजन वाढवायचे असेल तर ताज्या हिरव्या पालेभाज्यांचा आहारात समावेश करावा. पालक, मेथी, चवळी, हिरवा माढ यांसारख्या हिरव्या भाज्यांमध्ये लोह, व्हिटॅमिन ए, सी आणि के, कॅल्शियम सारखे घटक भरपूर प्रमाणात असतात.
त्यामुळे शरीरातील हिमोग्लोबिनचे प्रमाण वाढते आणि बाळामध्ये रक्ताभिसरणही चांगले होते. जे बाळाच्या जलद विकासास मदत करते. या भाज्या लोखंडी कढईत शिजवल्यास यामधूनही अधिक लोह मिळते. जे गर्भवती महिलेसाठी पोषक असते.
व्हिटॅमिन-सी आणि व्हिटॅमिन-ए अन्नपदार्थ
तुम्ही तुमच्या गरोदरपणात व्हिटॅमिन-सी आणि व्हिटॅमिन-ए जरूर घ्या. याचे सेवन केल्याने न जन्मलेल्या मुलाचे वजन चांगले होते. तसेच त्याची त्वचा, केस, दृष्टी आणि विशेषत: प्रतिकारशक्ती सुधारते. पिवळ्या रंगाच्या भाज्या आणि फळांमध्ये तुम्हाला अ जीवनसत्व मिळेल. जर आपण व्हिटॅमिन-सी बद्दल बोललो, तर तुम्हाला ते संत्रा, किवी, पेरू, स्ट्रॉबेरी, आवळा, लिंबू इत्यादींमध्ये मिळेल. रोजच्या आहारात या फळांचा समावेश करावा.
--------------------------- | --------------------------- |