आईला स्तनपान देत येत नसेल तर?

स्तनपान करणा-या महिलांनी चुकूनही करु नये | या | पदार्थांचे सेवन!

लहान बाळाला पोटात गॅस निर्माण होण्याची समस्या सामान्य असली तरीही त्या त्रासाने बाळ सतत रडू लागतं. बाळ जन्माला आल्यानंतर जवळ जवळ वर्षभर फक्त आईच्या दुधावर असतं. त्यामुळे आईने चुकीच्या पदार्थांचे सेवन केल्यास त्याचा त्रास बाळाला होऊ शकतो. जाणून घ्या कोणते पदार्थ खाणं आईने टाळावं.

avoid these food during breast feeding period in marathi
स्तनपान करणा-या महिलांनी चुकूनही करु नये | या | पदार्थांचे सेवन!

बाळाला दूध पाजणे (breastfeeding) हे अतिशय कठीण असे काम नाही. सुरुवातीला काही प्रमाणात त्रास होत असला तरी पुढील काही दिवसांतच आईला सुद्धा याची सवय होऊन जाते. पण फक्त बाळाला दूध पाजणे एवढीच आईची जबाबदारी नसून त्या काळात तिने आपल्या आहारावर नियंत्रण ठेवून योग्य आहार खाणे सुद्धा तितकेच गरजेचे आहे. कारण तिच्या शरीराला आहारातून पोषण मिळते आणि दुधातून ते पोषण बाळापर्यंत पोहोचते. जर या काळात आईचे चूकीचा आहार घेतला तर त्याचा परिणाम बाळावर होऊन दोघांना समान समस्यांना सामोरे जावे लागू शकते.


आई तर सहन करेल पण त्या चिमुकल्या जीवाला होणारा त्रास नकोसा होईल. असाच एकाच वेळी आई व बाळामध्ये आढळणारा त्रास म्हणजे गॅसचा होय. आईने आहारात नको ते पदार्थ खाल्ल्याने आईंच्या शरीरात गॅसचा त्रास निर्माण होतो आणि बाळ तिचेच दूध पीत असल्याने त्याला देखील तो त्रास होतो. या लेखातून आम्ही तुम्हाला याच पदार्थांबद्दल सांगणार आहोत जे तुम्ही स्तनपानाच्या काळात खाणे टाळले पाहिजे.
गायीचे दूध

गायीच्या दुधामध्ये असलेल्या प्रोटीन आणि लेक्टोजमुळे बाळाच्या पोटामध्ये गॅस तयार होऊ शकते. लहान मुलांमध्ये गॅसची समस्या निर्माण करण्यामध्ये लेक्टोजचा मोठा हातभार असतो. कारण त्यांचे पचन तंत्र लेक्टोज पचवण्या इतपत विकसित झालेले नसते. साहजिक त्याचा विपरीत परिणाम बाळाच्या शरीरावर होतो आणि बाळाला गॅसची समस्या निर्माण होते. म्हणून आईने स्तनपान करण्याच्या काळात गायीच्या दुधाचे सेवन टाळावे. जोवर बाळ दुध सोडत नाही अथवा ठोस पदार्थ खाऊ लागत नाही तोवर आईने शक्य तितक्या प्रमाणात गायीचे दूध पिण्यावर नियंत्रण ठेवावे.

लोणी

आईने लोणी खाल्ल्यास ते दुधामार्फत बाळाच्या शरीरात जाऊनही बाळाला गॅसचा त्रास होऊ शकतो. लोण्यामध्ये एनीमल फॅट असते जे बाळाच्या शरीरात गॅस निर्माण करू शकते. याशिवाय लोणी हे दुधापासूनच बनत असल्याने त्यातही लेक्टोज असते आणि त्यात उच्च प्रमाणात फॅट असते हे सुद्धा आपण पाहिले जे की बाळ पचवू शकत नाही.आईने किमान 1 वर्ष लोणी खाणे टाळावे कारण 1 वर्षानंतर बाळाला एनीमल फॅट पचू शकते. पण ही गोष्ट बाळाचे पचन तंत्र किती विकसित झाले आहे यावर अवलंबून आहे.


ब्रेड

कोणताही फायबरयुक्त पदार्थ वा आहार आई आणि बाळ दोघांच्या शरीरात गॅसची समस्या निर्माण करण्यास कारणीभूत ठरू शकतो. खास करून सफेद ब्रेड पचायला अतिशय कठीण असतो. जर बाळ हे ग्लूटेन सेन्सिटीव्ह आहे तर स्तनपान करणाऱ्या स्त्रियांनी आपल्या आहारात ब्रेडचा वापर न केलेलाच बरा! ब्रेड खाल्ल्याने शरीरात तयार होणारे ग्लूटेन पचायला अतिशय कठीण असते आणि म्हणूनच डॉक्टर सुद्धा स्तनपान करण्याच्या काळात किंवा पहिले सहा-सात महिने तरी आईला ब्रेड न खाण्याचा सल्ला देतात.


पास्‍ता

हो मंडळी पास्ता सुद्धा आई व बाळ दोघांना गॅसचा त्रास सुरु करण्यात महत्त्वाची भूमिका बजावू शकतो. सध्या अनेक स्त्रिया टाईमपास म्हणून पास्ता खातात व पुढे तो खाण्याची सवय लागते. पण डिलिव्हरी झाल्यावर बाळाला दुध पाजण्याचा काळ सुरु होताच पास्ता खाणे बंद करावे. ब्रेड प्रमाणे पास्तामध्ये सुद्धा ग्लूटेन असते. पण आता बाजारात ग्लूटेन फ्री पास्ता सुद्धा येण्यास सुरुवात झाली आहे. परंतु ते खाण्यापूर्वी सुद्धा एकदा आपल्या डॉक्टरांचा सल्ला अवश्य घ्यावा.


कॉफी

कॉफी हा अनेक स्त्रियांच्या आहारातील मुख्य भाग असतो. काहींना तर कॉफीचे व्यसन असते पण काही काळ या व्यसनाला आळा घालणे उत्तम आहे कारण असे न केल्यास आई व बाळ दोघांना गॅसची समस्या उद्भवू शकते. कॉफीमध्ये असलेले कॅफिन मेंदूला सचेत करते आणि पचन तंत्र उत्तेजित करते. परंतु बाळाचे पचनतंत्र हे अजूनही विकसित झालेलले नसते व संथ गतीने काम करत असते. त्यामुळे जेव्हा हे कॅफिन बाळाच्या शरीरात जाते तेव्हा पचनाला उत्तेजित करू शकते आणि त्याचा परिणाम म्हणून गॅसची समस्या निर्माण होते.