गरोदर असताना काय खाऊ नये?

काही अशी फळं असतात जी गर्भवती महिलांसाठी वरदान ठरतात तर नि:संशय अशीही काही फळं असतात ज्याच्या प्रेग्नेंसीमध्ये नकारात्मक प्रभाव पडतो. इथे आज आम्ही अशा 6 फळांबाबत सांगणार आहोत जी चुकूनही प्रेग्नेंसीमध्ये खाऊ नयेत.
गरोदरपणाचा काळ हा कोणत्याही स्त्री साठी अत्यंत महत्त्वाचा असतो. या काळात स्त्रीने चांगला आहार घेणे अत्यंत गरजेचे असते. कारण हा आहाराच स्त्रीला सुदृढ आणि निरोगी ठेवतो. या आहारात फळांचा समावेश आवर्जून करण्याचा सल्ला अनेकजण देतात. कारण फळांमध्ये अशी पौष्टिक तत्त्वे असतात जी गरोदर स्त्रीच्या शरीरासाठी खूप महत्त्वाची असतात. पण तुम्हाला हे ऐकून आश्चर्य वाटेल की प्रत्येक फळ हे गरोदर स्त्रीसाठी चांगली असेतच असे नाही. काही फळे अशी असतात ज्यांचे सेवन स्त्रीने गरोदरपणामध्ये टाळले पाहिजे. कारण अशी फळे स्त्रीला गरोदरपणात लाभ मिळवून देण्याऐवजी नुकसानच करतात. या गोष्टीबद्दल सर्वसामान्य स्त्रियांना माहित नसल्या कारणाने अनेक स्त्रियांना गंभीर समस्यांमधून जावे लागते. आज आपण या लेखातून त्याच फळांबद्दल जाणून घेणार आहोत, जी गरोदर स्त्रीने गरोदरपणात अजिबात खाऊ नयेत.
अननस

अननस हे असे फळ आहे जे गरोदरपणात स्त्रीने अजिबात खाल्ले नाही पाहिजे. अननस हे तसे अत्यंत पौष्टिक आणि स्वादिष्ट फळ म्हणून ओळखले जाते त्याचे खूप फायदे सुद्धा आहेत. यामुळे हाडे मजबूत होतात आणि अननस मध्ये जवळपास 70% मॅगनीज असते ज्याची गरज आपल्या शरीराला मोठ्या प्रमाणावर असते. याशिवाय अननस हे हाडे आणि कनेक्टिव टिश्यूच्या विकासात महत्त्वपूर्ण भूमिका बजावते पण गरोदर स्त्रियांसाठी हे फळ अत्यंत घातक आहे कारण यामध्ये ब्रोमेलेन असते.
टरबूज

हे फळ आरोग्यासाठी खूप चांगले आहे पण यात पोषण तत्वांची कमी असते आणि तसेच हे गरोदर स्त्रियांसाठी सुद्धा काही कारणांमुळे चांगले मानले जात नाही. गरोदरपणात टरबूज खाणे चांगले नसते कारण यात एक प्रोटीन असते जे प्रजनन प्रणालीला प्रभावित करते. शिवाय टरबूजाचे सेवन केल्याने गरोदरपणात ब्लड शुगर कमी होण्याची स्थिती सुद्धा उत्पन्न होऊ शकते. टरबूज खाल्ल्याने गर्भाशयात जळजळ होते आणि यामुळे वेळेआधीच गर्भात होऊ शकतो.
लीची

लीची देखील एक स्वादिष्ट आणि रुचकर फळ आहे आणि लोकांना खूप आवडते सुद्धा! यात प्रोटीन, खनिज (जसे की पोटॅशियम, कॅल्शियम, झिंक, लोह आण मॅग्नेशियम), वसा, हायड्रोकार्बन आणि अनेक व्हिटॅमिन ए, सी, बी आणि व्हिटॅमिन ई अशी पोषक तत्वे असतात. पण लीचीच्या सेवनाने गरोदर स्त्रीच्या शरीरावर उलट परिणाम झाल्याचे अनेक प्रकरणातून पुढे आले आहे. शिवाय यामुळे बाळाच्या जीवाला सुद्धा धोका निर्माण होऊ शकतो. म्हणून लीची फळाचे सेवन गरोदर स्त्रीने टाळलेले उत्तम!
पेरू

या यादीमध्ये पेरूचे नाव पाहून तुम्हाला आश्चर्य वाटले असेल न पण हे खरे आहे मंडळी, गरोदरपणात स्त्रीने पेरू खाऊ नये. या फळामध्ये उच्च पोषण आणि पाण्याची मात्रा असते आणि म्हणून हे एक आदर्श फळ मानले जाते. शिवाय ज्यांना मधुमेह आहे किंवा उच्च रक्तदाब आहे अशांसाठी सुद्धा पेरू हे उपयुक्त फळ मानले जाते. पण हे फळ गरोदर स्त्री साठी योग्य मानले जात नाही कारण याच्या सेवनाने शरीराच्या तपमानामध्ये वृद्धी होते आणि पोटाच्या समस्या उद्भवू शकतात. काही जाणकारांच्या मते मर्यादित प्रमाणात हे फळ खाणे योग्य असते. पण तरी तुम्ही एकदा तुमच्या डॉक्टरांचा सल्ला अवश्य घ्यायला हवा.
पपई आणि वांगी

वांगी ज्या मातीमध्ये उगवली जाते त्यात टोक्‍सोप्‍लाजमोसिस असते जे मुदत पूर्व डिलिव्हरीला कारणीभूत ठरू शकते. म्हणून आहारात वांग्याचा वापर करण्यापूर्वी वांगी योग्य पद्धतीने स्वच्छ करून घ्यावीत. जास्त प्रमाणात वांगी खाल्ल्याने काही स्त्रियांना अॅलर्जी देखील होऊ शकते. अशावेळी खाज येणे वा पुरळ उठणे यांसारखी लक्षणे दिसू लागतात. गरोदरपणात पचनशक्ती कमजोर असल्यामुळे वांगी खाल्ल्याने अॅसिडीटीची समस्या वाढू शकते. म्हणूनच गरोदरपणात कमीत कमी वांगी खाण्याचा सल्ला दिला जातो. गरोदर स्त्रियांना खास करून गरोदरपणाच्या पहिल्या तीन महिन्यांमध्ये पपई खाण्यास मनाई केली जाते. पपई खाल्ल्याने पोटदुखी आणि वेळेआधीच डिलिव्हरी होऊ शकते.