नॉर्मल डिलिव्हरी साठी काय करावे?

नॉर्मल डिलिव्हरीसाठी पूर्ण नऊ महिने संतुलित आहार घेणे गरजेचे आहे. या आहारात प्रोटीन व व्हिटॅमिनने भरपूर पदार्थांचा समावेश करावा. जंक फूड व तेलकट पदार्थांपासून दूर राहावे
गरोदरपणाचा नववा महिना हा अत्यंत महत्त्वाचा असतो. या महिन्यात बाळाचे डोके खाली योनीच्या दिशेने सरकू लागते आणि जर नॉर्मल डिलिव्हरी (tips for normal delivery) करायची असेल तर बाळ या स्थितीमध्ये येणे अत्यंत गरजेचे आहे. जर या बाळ स्थितीमध्ये आले नसेल तर तेव्हा सिझेरियन डिलिव्हरी (cesarean delivery) करावी लागते. त्यामुळे नववा महिना येण्याआधीच स्त्रीने हर एक प्रकारे स्वत:ची काळजी घेऊन डिलिव्हरी नॉर्मल होण्यासाठीच प्रयत्न करावे.

याबाबतीत डॉक्टरांचा सल्ला सुद्धा घ्यावा. नॉर्मल डिलिव्हरी अधिक सुकर व्हावी म्हणून तुम्ही खास आहार देखील घेऊ शकता. या खास आहारामुळे योनी व आसपासच्या भागावर परिणाम होऊन आणि त्यात बदल होऊन तो भाग प्रसारण पावतो व नॉर्मल डिलिव्हरी होण्यात सहाय्य होते. चला तर आज या लेखात आपण जाणून घेऊया की कोणता पदार्थ वा कोणता आहार घेतल्याने नॉर्मल डिलिव्हरी (food for normal delivery) मध्ये सहाय्य होते.
संतुलित आहार
गरोदरपणाच्या वेळीच नाही तर गरोदर होण्याच्या आधी काही दिवसांपासूनच स्त्रीने आपल्या आहारावर विशेष लक्ष द्यायला हेव. जर शरीर निरोगी आणि सक्षम असेल आणि शरीरात गरोदरपणा आणि बाळासाठी योग्य हार्मोन्स तयार झाले तर स्त्रीची डिलिव्हरी नॉर्मल होते. पण काही स्त्रिया अशा असतात ज्यांना धुम्रपान व मद्यपानाचे व्यसन असते, पण त्या स्त्रियांनी वेळीच ओळखून हि व्यसने सोडायला हवीत कारण हि व्यसने बाळासाठी हानिकारक ठरतात,. नॉर्मल डिलिव्हरीसाठी पूर्ण नऊ महिने संतुलित आहार घेणे गरजेचे आहे. या आहारात प्रोटीन व व्हिटॅमिनने भरपूर पदार्थांचा समावेश करावा. जंक फूड व तेलकट पदार्थांपासून दूर राहावे.


ओव्याचे लाडू

सकाळी रोज उपाशी पोटी एक ग्लास गरम दुधासोबत एक ओव्याचा लाडू खावा. ओवा हा गरम असतो आणि याचे लाडू गरम दुधासह खाल्ल्याने बाळ लवकर योनीच्या दिशेने सरकते आणि हीच स्थिती नॉर्मल डिलिव्हरीसाठी आदर्श मानली जाते. नवव्या महिन्यात गरम पदार्थ खाणे फायद्याचे ठरते. गरम गोष्टी खाल्ल्याने गर्भाशय आणि पेल्विक अंगाचे स्नायू अधिक मजबूत राहतात आणि नॉर्मल डिलिव्हरी वेळी कोणत्याही प्रकारचा धोका उद्भवत नाही.


तिळाचे लाडू

ओव्याप्रमाणे तिळाचे लाडू सुद्धा नॉर्मल डिलिव्हरीसाठी चांगले समजले जातात. कारण तिळाचे लाडू सुद्धा गरम असतात. यामुळे बाळ योनीच्या दिशेने सरकण्यास मदत होते आणि हि स्थिती नॉर्मल डिलिव्हरीसाठी पूरक मानली जाते. अनेक स्त्रिया असतात ज्यांना ओव्याचे लाडू खाण्यास आवडत नसतात अशा स्त्रियांनी तिळांच्या लाडूचा पर्याय स्वीकारावा. हे लाडू घरगुती पद्धतीने बनवलेले असल्यास उत्तम, तुम्ही बाहेरून दुकानातून सुद्धा खरेदी करू शकता. पण कोरोना संकटाच्या या काळात सुरक्षिततेसाठी घरातच योग्य सुरक्षा बाळगून लाडू बनवावेत.


कोमट पाणी

उकळवून मग थोडे थंड केलेलं पाणी अर्थात कोमट पाणी सुद्धा नॉर्मल डिलिव्हरी मध्ये सहाय्य करू शकते. नवव्या महिन्यात कोमट पाणी प्यायल्याने स्नायूंवरचा तणाव कमी होतो. जर तुम्ही कोमट पाणी पीत नसाल तर थंड पाणी अजिबातच पिऊ नका. थंड पाण्याने स्नायू आकुंचन पावतात आणि नॉर्मल डिलिव्हरीसाठी हा बदल अजिबात योग्य नाही. स्नायू हे प्रसरण पावले पाहिजेत जेणेकरून नॉर्मल डिलिव्हरी मध्ये सहाय्य होईल आणि हे स्नायू कोमट पाणी प्याल्याने मोकळे राहू शकतात. स्नायू जर आकुंचन पावले असतील आणि त्यात नॉर्मल डिलिव्हरी करायची झाली तर वेदना भयंकर होतात आणि प्रसूती कळाही लवकर सुरु होतात.


खजूर

अनेकांना खजुराचा हा उपयोग माहित नाही, पण हो खजूर सुद्धा नॉर्मल डिलिव्हरी मध्ये सहाय्य करू शकतं. नववा महिना सुरु होण्या आधी रोज 3-4 खजूर गरोदर स्त्रीने खायला हवेत. यामुळे योनी आणि आसपासच्या अंगात बदल होऊन नॉर्मल डिलिव्हरी साठी पोषक अशी स्थिती निर्माण होते. शिवाय खजूर गरम असल्याने बाळ देखील हळूहळू योनीच्या दिशेने सरकू लागते. त्यामुळे जाणकार सुद्धा नवावा महिना सुरु होण्याआधी गरोदर स्त्रीला आवर्जून खजूर खाण्याचा सल्ला देतात.