बाळ झोपत नसेल तर काय करावे?

बाळ रात्रीचे झोपत नसेल तर अशा पद्धतीने झोपवा
बाळाचा जन्म झाला की, बाळाच्या आई-वडिलांचे देखील रुटीन बदलते. कारण बाळाच्या सवयीनुसार, बाळाच्या आई-वडिलांना आपल्या सवयी बदलाव्या लागतात. बाळाच्या खाण्या-पिण्यासह फिरणे आणि झोपणे देखील बदलते. बाळाच्या सवयीनुसार आई-वडिलांना आपले रुटीन सेट करावे लागते.
बाळाचा जन्म झाल्यावर अधिक झोपतात

बाळाचा जन्म झाल्यानंतर काही दिवस बाळ सुरुवातीला खूप झोपते. मात्र, दुसऱ्या महिन्यापासून बाळाचे पुन्हा रुटीन बदलले जाते. सर्वात जास्त मुलं ही सकाळची झोपतात आणि रात्र जागवतात. त्यामुळे बाळाप्रमाणे आई-वडिलांना देखील जागे रहावे लागते. अशा परिस्थितीत नेमके काय करावे. बाळाला कसे झोपवावे? झोपत नसेल तर कसे झोपवावे? याविषयी आपण जाणून घेणार आहोत. चला तर जाणून घेऊया बाळाला रात्रीची झोप येत नसेल तर त्याला कसे झोपवावे.
बाळाला झोपवण्याचा रुम शांत असावा

ज्या ठिकाणी बाळाला झोपवायचे आहे तो रुम आरामदायी आणि शांत असावा. जर तुम्ही बाळाला आजूबाजूला होत असलेल्या आवाजात झोपवले तर बाळ कधीच त्या गोंगाटात झोपणार नाही. तसेच ज्या रुममध्ये बाळ झोपणार आहे त्या रुममध्ये प्रकाश नसावा. यामुळे बाळाच्या शरीरात मेलाटोनिन हार्मोन तयार होईल आणि बाळाला चांगली आणि लवकर झोप लागण्यास मदत होईल. हळूहळू बाळाला थोपटा यामुळे बाळाला चांगली झोप लागेल.
झोपण्याची वेळ सेट करा

प्रत्येक मुलाची झोपण्याची आणि उठण्याची वेळ वेगळी असते. म्हणूनच तुमच्या बाळाच्या झोपेचे चक्र कसे आहे. कोणत्या वेळेत झोपते? कोणत्या वेळेत उठते? हे जाणून घेणे महत्त्वाचे आहे. तुमचे बाळ दुपारी झोपणे पसंत करतो की संध्याकाळी हे जाणून घ्या. त्याप्रमाणे त्याच्या झोपण्याची वेळ निश्चित करा. साधारणपणे ६ महिन्याच्या बाळाला उठल्यानंतर दोन ते अडीच तासांनी पुन्हा झोपायचे असते. परंतु १ वर्षाचे मुलं ३ तास जागे राहते. अशा परिस्थितीत, जर तुम्हाला तुमच्या बाळाच्या झोपण्याची पद्धत समजली असेल, तर तुम्ही त्याला कधी झोपवायचे हे ठरवू शकता. तसेच जर मुलाला दिवसभरात योग्य वेळी थोडी झोप लागली तर त्याला रात्री झोप व्यवस्थित लागण्यास मदत होईल.
दूध आणि पुरेसा आहार
जर बाळाला भूक लागली असेल किंवा पोट नीट भरले नसेल तरी देखील बाळाला झोप येत नाही. म्हणूनच त्याला दिवसभर दूध आणि पुरेसा आहार देणे महत्त्वाचे आहे. जर मूल रिकाम्या पोटी झोपले असेल तर बाळाला उठवून त्याला दूध पाजावे आणि त्यानंतर झोपवावे. असे केल्यामुळे जी मुले भूक लागली म्हणून रात्रीची उठतात ती उठणार नाहीत. आणि त्यांची झोपही पूर्ण होण्यास मदत होईल. ६ महिन्यांपेक्षा जास्त वयाच्या बाळांना भरपूर आहार द्यावा. त्यांना दिवसातून ३ वेळा पोटभर आहार द्यावा. तसेच १० महिन्यांनंतर, त्यांच्या आहारात प्रोटीनचा देखील समावेश करावा. एक लक्षात ठेवा की बाळाला जास्त ही खाण्यासाठी देऊ नका, जेणेकरुन त्या बाळाचे पोट दुखेल आणि ते बाळ झोपणार नाही.
झोपण्याच्या वेळेचे वेळापत्रक तयार करा

उत्तम झोपेसाठी झोपेचे वेळापत्रक तयार करणे जितके मोठ्यांसाठी महत्त्वाचे असते. त्याप्रमाणे लहान बाळांसाठी देखील झोपेचे वेळापत्र तयार करणे तितकेच महत्त्वाचे असते. संध्याकाळच्या वेळेस बाळाला झोपवण्याचा प्रयत्न करा. आवश्यक असल्यास, संध्याकाळी ५ वाजता मुलाला कोमट पाण्याने अंघोळ घाला. त्यानंतर, प्रकाश असलेल्या ठिकाणी बाळाला खायला द्या आणि त्यानंतर त्याला अंधार असलेल्या ठिकाणी हळूवार थोपटा आणि मग बाळ तुमचे झोपेल. तसेच झोपण्यापूर्वी टीव्ही बंद करा, मोबाईल फोन स्वतःपासून आणि त्यांच्यापासून दूर ठेवा. अशाप्रकारे, दररोज एकाच वेळी झोपवले असता बाळाला झोप लागेल.
डुलकी घेणे देखील आवश्यक

एक वर्षापर्यंतची मुले दिवसातून अनेक वेळा झोपतात आणि जागे होतात. मुलांच्या विकासासाठी झोप घेणे देखील खूप महत्वाचे आहे. परंतु, सातत्याने झोपत असेल तर झोपू देऊ नका. कारण त्यामुळे बाळ रात्री झोपणार नाही. कारण दिवसभरात एखादी डुलकी काढणे गरजेचे आहे. पण, रात्री झोप लागणे देखील तितकेच महत्त्वाचे आहे. जर बाळ सकाळी १० वाजता झोपत असेल तर त्या बाळाला दोन तासानंतर म्हणजे १२ वाजता उठवा. तसेच दुपारचे जेवण करून त्याला पुन्हा झोपवा. पण, संध्याकाळच्या आधी त्याला उठवा. अशा प्रकारे, बाळाचे झोपण्याचे रुटीन सेट केल्यास बाळाला चांगली झोप लागते आणि बाळ चिडचिड देखील करत नाही. तसेच बाळाच्या आरोग्यासोबतच, तुमच्या झोपेची देखील काळजी घ्या आणि जेव्हा तुम्हाला संधी मिळेल तेव्हा झोपा.