पोटात गॅस झाल्यामुळे बाळ चिडचिडं होतं आणि अशा परिस्थितीत त्याला सांभाळणं मुश्किल होऊन बसतं. काही पदार्थ असे असतात जे बाळाच्या पोटात गॅस निर्माण करण्यास कारणीभूत ठरतात. या लेखात आम्ही बाळाला गॅस होण्याची कारणे आणि याला जबाबदार असणा-या पदार्थांविषयी माहिती देणार आहोत.
लहान मुलांना पोटदुखीची समस्या (stomach problem in babies) सतावणे ही एक सामान्य गोष्ट असली तरी त्यामुळे त्या बाळाला खूप जास्त त्रास होतो. पोटदुखीची कारणे तशी अनेक आहेत आणि अनेक घटक त्याला कारणीभूत असतात. पण तुम्हाला माहित आहे का आईच्या अशा काही छोट्या छोट्या चुका आहेत ज्यामुळे सुद्धा मुलांना पोटदुखीचा त्रास होऊ शकतो. या चुका म्हणजे बाळाला चुकीचे बेबी फुड्स देणे होय, तसेच त्याच्या आहाराकडे लक्ष न देणे. जर याबद्दल आधीच स्त्रियांना माहित असेल तर त्यांच्याकडून या चुका होणार नाहीत आणि हाच उद्देश डोळ्यापुढे ठेवून ही उपयुक्त माहिती या लेखाद्वारे आम्ही मांडत आहोत. जेणेकरून तुम्ही सुद्धा तुमच्या बाळाच्या खानपानाविषयी अगदी सतर्क राहाल आणि त्याला पोटदुखीचा सामना करावा लागणार नाही.
पचन तंत्राचा विकास न होणे
नवजात बालकाचे पोट अत्यंत लहान आणि नाजूक असते. ते सहज खराब होऊ शकते. याशिवाय बाळाच्या आतड्यांचा सुद्धा पूर्ण विकास न झाल्याने त्यांना सतत गॅसचा सामना करावा लागतो. तसेच दूध पिताना बाळाच्या तोंडात हवा भरली जाते किंवा पेसिफायर चोखताना किंवा रडताना तोंडात हवा भरली जाते आणि याचा परिणाम म्हणून बाळाला गॅस होऊ शकते. तर आईने या गोष्टी लक्षात ठेवून बाळाकडे लक्ष द्यावे.
हालचाल न करणे
ज्या बाळांना अजून गुडघ्याने चालता येत नाही वा बसता येत नाही अशा बाळांमध्ये गॅसची समस्या मोठ्या प्रमाणावर दिसू शकते. जेव्हा आपले शरीर हालचाल करते तेव्हा गॅस सहज पास होते. हीच गोष्ट नवजात बाळाला सुद्धा लागू होते. जेवढी बाळ हालचाल करेल तेवढ्या सहज गॅस पास होते. म्हणूनच आपल्या बाळाला हालचाल करायला लावा. बाळ जेवढे जास्त सक्रीय असेल तेवढा त्याला गॅसचा काही त्रास होईल.
ठोस आहार आणि फॉर्म्युला मिल्क
काही लहान मुले आईचे दुध पिऊ शकत नाहीत आणि अश्यांना फॉर्म्युला मिल्क दिले जाते. जे पचायला थोडे कठीण असते. पण बाळाचे पचन तंत्र कमजोर असल्याने तो फॉर्म्युला मिल्क सुद्धा पूर्णपणे पचवू शकत नाही आणि याचा परिणाम म्हणून गॅस बनते. 6 महिने झाल्यावर बाळाला थोडं आहार भरवणे शुरू केले जाते. सुरुवातीला थोडं आहार खाल्ल्याने पचन खराब होऊ शकते. काही खास पदार्थांमुळे गॅस तयार होण्याच्या शक्यता जास्त असतात.
या पदार्थांमुळे बनतो गॅस
बाळाच्या ठोस आहारामध्ये काही खास पदार्थ समाविष्ट केल्याने त्याला गॅसची समस्या निर्माण होऊ शकते जसे की कडधान्य, सुकी फळे, ब्रोकली, स्प्राऊट्स, कोबी, फ्लॉवर, ओटमिल, नासपती, सफरचंद, आंबट फळे, मका, आणि कांदा होय. त्यामुळे आईने बाळासाठी आहार बनवताना या गोष्टींकडे लक्ष द्यावे व हे पदार्थ बाळाच्या आहारात फार कमी येतील याची काळजी घ्यावी. यामुळे बाळाच्या शरीरावर आणि पचनावर जास्त ताण येणार नाही व त्याला गॅस व पोटदुखीची समस्या निर्माण होणार नाही.
बाळाला गॅसेस का होतात?
