स्तनपान करणाऱ्या आईने 'या' खाद्यपदार्थांचं करावं सेवन, सेलिब्रिटींच्या मुलांप्रमाणेच तुमचीही मुलं होतील एकदम हेल्दी
आईचं दूध हाच मुलांसाठी सर्वोत्तम आहार आहे. त्यासाठी प्रत्येक आईने आपल्या आहाराकडे लक्ष दिलं पाहिजे. स्तनपानादरम्यान आहार काय असावा हे आम्ही तुम्हाला या लेखाच्या आधारे सांगणार आहोत.
स्तनपान करणं आणि त्यादरम्यान शरीरामध्ये होणारे बदल हे पहिल्यांदाच आई झालेल्या स्त्रियांसाठी नवीन असतात. स्तनपान करणं कितपत महत्त्वाचं आहे हे बहुतांश लोकांना माहित असावं. यामुळे मुलांचा शारीरिक विकास अगदी उत्तम पद्धतीने होतो. जागतिक आरोग्य संघटनेच्या म्हणण्यानुसार, मुलं सहा महिन्यांची होईपर्यंत त्यांना आईच्या दूध हे मिळालंच पाहिजे. त्यामुळे आईने स्तनपान करणं हे फार महत्त्वपूर्ण आहे. फक्त जन्मलेल्या मुलांसाठीच नव्हे तर दोन वर्षांच्या मुलांपर्यंत देखील आईचं दूध अधिक उपयुक्त ठरू शकतं. आईचं दूध हा मुलांसाठी हेल्दी आहार असतो. मुलांची रोगप्रतिकार शक्ती तसेच चयापचय मजबूत बनवण्यामध्ये आईच्या दुधाची मुख्य भूमिका असते. इतकंच नव्हे तर मुलांचा शारीरिक विकास देखील उत्तम पद्धतीने होतो. आईच्या दुधामध्ये पोषक तत्त्वांचा समावेश असणं हे प्रत्येक आईच्या आहारावर अवलंबून असतं. योग्य आणि हेल्दी आहारामुळे आईच्या दुधामध्ये पोषक घटकांचा समावेश होतो.
हेल्दी फॅट
हेल्दी आहार यामुळे आईच्या दुधामध्ये अनेक पोषक घटकांचा समावेश होतो. काही संशोधनामध्ये हे देखील सिद्ध झालं आहे की, आईच्या दुधामध्ये समाविष्ट असलेले फॅटी एसिड आईच्या आहारावरच अवलंबून असतं. नैसर्गिक रित्या आईच्या दुधामध्ये अनेक पोषक तत्त्वांचा समावेश असतो. यामुळे मुलांचा विकास योग्य पद्धतीने होण्यास मदत मिळते. तज्ज्ञांच्या म्हणण्यानुसार, योग्य आहार, योग्य वजन यामुळे आईचं दूध अधिक पोषक बनतं. एकूणच काय तर योग्य आहार असेल तर आईच्या दुधावर देखील याचा सकारात्मक परिणाम जाणवतो.
आईच्या दुधामध्ये असणारे पोषक तत्त्वे
स्तनपान करणं कितपत महत्त्वाचं आहे याची माहिती प्रत्येक आईला असणं गरजेचं आहे. प्रत्येक आईने स्तनपान करणं खूप महत्त्वाचं आहे. शास्त्रज्ञांच्या म्हणण्यानुसार, आईच्या दुधामध्ये हजारो पोषक घटकांचा समावेश असतो. या दुधामुळे बऱ्याच इन्फेक्शनपासून मुलं दूर राहू शकतात. तसेच मुलांच्या शरीराला कोणत्याच प्रकारची सूज यामुळे येत नाही. तसेच मुलांची रोगप्रतिकारक शक्ती देखील यामुळे मजबूत होते. त्याशिवाय मुलांचा शारीरिक विकास देखील झपाट्याने होतो. म्हणूनच जन्माच्या सुरुवातीपासूनच प्रत्येक बाळाला आईचं दूध मिळणं खूप गरजेचं आहे.
घरगुती उपाय
आईचं दूध आणि त्यामुळे मुलांचा होणारा शारीरिक विकास हा फार महत्त्वाचा असतो. आईचं दूध अधिक पौष्टिक व्हावं म्हणून तुम्ही काही प्रयत्न करत असाल तर या गोष्टींकडे आवर्जून लक्ष द्या. तुम्ही स्तनपान करत असताना काही घरगुती उपाय देखील करू शकता. पण हे उपाय करण्यापूर्वी ओळखीच्या डॉक्टरांचा आवश्य सल्ला घ्या.
- ५०० कॅलरीचं अधिक सेवन करा.
- धूम्रपानाचे सेवन करणं त्वरित बंद करा.
- कॅफिनचे सेवन अगदी कमी प्रमाणात करा.
- प्रोटिन युक्त खाद्यपदार्थांचा आहारामध्ये समावेश करा. त्याचबरोबरीने पाण्याचे अधिक सेवन करा.
मेथी दाणे आणि बडीशेप
मेथीमध्ये ओमेगा ३ फॅटी एसिडचा समावेश अधिक असतो. यामुळे मुलांच्या मेंदूचा विकास अधिक चांगल्या पद्धतीने होतो. मेथीमध्ये बीटा केरोटीन, कॅल्शियम आणि लोहचा देखील समावेश असतो. याचे सेवन केल्यामुळे आईचे दूध अधिक पौष्टिक होण्यास मदत मिळते. त्याचबरोबरीने मेथी दाण्याच्या पाण्याचे सेवन आईचं दूध वाढवण्यास मदत करते. तसेच बडीशेपमध्ये व्हिटॅमिन सी, बी-६, फॉलेट, फायटोन्युट्रियंट्सचा समावेश असतो. या सगळ्या पोषक घटकांमुळेच स्तनपान करणाऱ्या आईचा बडीशेप खाण्याचा सल्ला दिला जातो.
जिऱ्याचे सेवन केल्यामुळे शरीराला लोहचा पुरवठा होतो. यामुळे एनिमियचा धोका कमी होण्यास मदत मिळू शकते. तसेच यामध्ये समाविष्ट असलेले पोषक घटक स्तनपान करणाऱ्या आईसाठी उपयुक्त असतात. स्तनपान करणाऱ्या आईने जिऱ्याच्या पाण्याचे नियमित स्वरुपात सेवन केले तर आईचं दूध वाढण्यास मदत मिळते. यामुळे पचनक्रिया सुधारते. तसेच पोट देखील साफ राहते. हिरव्या पालेभाज्यांमध्ये पोषक तत्त्वांचा भरपूर प्रमाणात समावेश असतो हे साऱ्यांनाच ठाउक आहे. या भाज्यामध्ये कॅल्शियम, लोह सारखे अनेक पोषक घटकांचा समावेश असतो. यामुळे आईच्या दुधामध्ये वाढ होते. आईचं दूध हा मुलांसाठी सर्वोत्तम आहार असतो. म्हणूनच आईने आपल्या आहाराकडे विशेष लक्ष दिलं पाहिजे.
भारतात नैसर्गिकरित्या आईचे दूध कसे वाढवायचे?
