लहान बाळासारखी झोप घ्या:
पाळीमध्ये शरीरास वेदना होत असल्याने शरीरास विश्रांती देण्याचा सगळ्यात छान उपाय म्हणजे झोप घेणे. तीही अगदी लहान बाळासारखी. म्हणजे सगळ्या चिंता कटकटी बाजूला ठेऊन.
दिवसा एक दोन तास विश्रांती घेतली तर होणारा त्रास जाणवणार नाही.
रात्री सुद्धा पूर्ण ८ तास झोप होईल ह्याकडे लक्ष द्यावे.
बाजारात ‘नाईट लॉंग’ प्रकारचे मोठे सॅनिटरी नॅपकिन/पॅड उपलब्ध असतात. ते वापरून झोपल्यास रात्री झोपमोड करून ते बदलण्यासाठी उठावे लागत नाही. आणि छान विश्रांती मिळाली की शरीराला काम करायला शक्ती मिळते.
अति त्रास होत असल्यास डॉक्टरचा सल्ला जरूर घ्यावा. पण नेहमीचाच त्रास आपण वरील काही उपायांनी कमी करू शकतो.
मासिक पाळीला पर्याय तर नाही पण ती सुकर करण्यास आपण नक्कीच अशी स्वतःची मदत करायला हवी. आणि अशा घरगुती उपायांमध्ये अपायकारक सुद्धा काहीही नाही..
मासिक पाळी दरम्यान झोप कशी घ्यावी?
