मासिक पाळीपूर्वी पांढरा स्त्राव?

गरोदरपणात योनीतून विविध रंगांचा स्त्राव होणे आणि त्याची कारणे
टीम मराठी
टीम मराठी
Vaginal discharge during pregnancy meaning and reasons in marathi

गरोदरपणात महिलांच्या शरिरामध्ये विविध प्रकारचे बदल होत असतात. यातीलच एक बदल म्हणजे योनीतून स्त्राव होणे. या काळात, अनेक स्त्रियांमध्ये वेगवेगळ्या रंगांचा स्त्राव होतो, जरी योनीतून होणारा स्त्राव हा सामान्य असतो. परंतु, त्याचा रंग बदलणे हे एखाद्या संक्रमणाचे लक्षण असू शकते.

स्त्रियांमध्ये योनीतून स्त्राव होणे हे खूप सामान्य आहे. ते योनीचे संसर्गापासून संरक्षण करतात आणि योनीला कोरडे होऊ देत नाहीत. परंतु गर्भधारणेदरम्यान त्याचे प्रमाण वाढू शकते आणि त्याचा रंग देखील बदलू शकतो. रंगातील काही बदल सामान्य असले तरी काही संसर्गाचे लक्षण देखील असू शकतात.

गरोदरपणात या रंगांचा योनीतून स्त्राव होऊ शकतो:

· पारदर्शक किंवा दुधाळ पांढरा

· हिरवा किंवा पिवळा

· राखाडी रंग

· चॉकलेटी रंग

· गुलाबी रंग

· लाल रंग

चला तर मग आजच्या लेखामध्ये आम्ही तुम्हाला गरोदरपणात होणाऱ्या योनीतील स्त्रावाबद्दल, त्याच्या रंगांबद्दल माहिती देणार आहोत. तसेच तुम्ही केव्हा यासंदर्भात डॉक्टरांचा सल्ला घ्यायला हवा यासंदर्भात ही सांगणार आहोत.

Table of Contents

गर्भधारणा आणि सामान्य योनी स्त्राव
योनीतील स्त्रावाचे रंग आणि त्यांचे अर्थ
पारदर्शक किंवा दुधाळ पांढरा - Transparent Discharge
पांढरा स्त्राव - White Discharge
हिरवा किंवा पिवळा स्त्राव - Green or Yellow Discharge
चॉकलेटी किंवा तपकिरी स्त्राव - Brown Discharge
गुलाबी स्त्राव - Pink Discharge
लाल स्त्राव - Red Discharge
जास्त स्त्राव येत असल्यास काय करावे ? How to deal with Heavy Discharge?

गर्भधारणा आणि सामान्य योनी स्त्राव

Vaginal discharge during pregnancy meaning and reasons in marathi shutterstock

मुलींमध्ये यौवनावस्थेसोबतच योनीतून स्त्राव होणे ही अतिशय सामान्य बाब आहे. मासिक पाळीपूर्वी आणि गर्भधारणेदरम्यान त्याचे प्रमाण वाढते. निरोगी योनीच्या स्रावाला ल्युकोरिया असे म्हणतात आणि ते हलके पांढरे किंवा पारदर्शक असते. हा स्त्राव दुर्गंधीनाशक नसून अतिशय सौम्य वास असतो.

गरोदरपणात त्याचे प्रमाण वाढते. कारण, आपले शरीर कोणत्याही संसर्गापासून योनी आणि गर्भाशयाचे संरक्षण करण्याचा प्रयत्न करत असते. गरोदरपणाच्या शेवटच्या आठवड्यात, स्त्राव चिकट होतो आणि त्यात गुलाबी श्लेष्मा देखील असतो. याचा अर्थ स्त्रीचे शरीर प्रसूतीसाठी तयार आहे असा होतो.

हेही वाचा : एक्टोपिक गर्भधारणा म्हणजे काय ? सामान्य आणि या गर्भधारणेतील फरक घ्या जाणून
योनीतील स्त्रावाचे रंग आणि त्यांचे अर्थ

Vaginal discharge during pregnancy meaning and reasons in marathi freepik

योनीतून बाहेर पडणाऱ्या स्त्रावाचे विविध रंग हे आपल्या आरोग्याशी निगडीत असलेली अनेक गुपिते सांगतात.
पारदर्शक किंवा दुधाळ पांढरा - Transparent Discharge

जसे की आम्ही तुम्हाला सुरुवातीला सांगितल्याप्रमाणे, हा एक सामान्य स्त्राव आहे आणि त्याचा वास हा सौम्य आहे. परंतु, जर त्याचे प्रमाण खूप वाढले आणि ते जाड दिसू लागले, तर ते मुदतपूर्व प्रसूतीचे म्हणजे प्रिमॅच्युअर बेबी बर्थचे लक्षण असू शकते. या प्रकरणात तुम्ही त्वरीत डॉक्टरांशी संपर्क साधावा.
पांढरा स्त्राव - White Discharge

जर स्त्राव हा पांढरा आणि जास्त घट्ट किंवा जाड दिसत असेल, तर ते बुरशीजन्य संसर्ग असू शकते. गर्भधारणेच्या दरम्यान, अनेक स्त्रियांमध्ये बुरशीजन्य संसर्ग आढळतो. या गुठळ्या झालेल्या पांढऱ्या स्त्रावबरोबर खाज सुटणे, जळजळ होणे आणि लघवीला त्रास होत असल्यास, ताबडतोब डॉक्टरांना भेटा.
हिरवा किंवा पिवळा स्त्राव - Green or Yellow Discharge

या रंगांचा स्त्राव हा सामान्य नसतो आणि तो STD म्हणजे सेक्समुळे होणाऱ्या आजाराचे गंभीर लक्षण असू शकते. योनी किंवा गर्भाशयात बॅक्टेरिआच्या संसर्गामुळे स्त्रीच्या तसेच मुलाच्या आरोग्यावर घातक परिणाम होऊ शकतो. त्यामुळे, याकडे दुर्लक्ष न करता ताबडतोब डॉक्टरांची भेट घ्या.

हेही वाचा : मासिक पाळीमध्ये किती रक्तस्त्राव असणे सामान्य आहे ? वाचा सविस्तर

Vaginal discharge during pregnancy meaning and reasons in marathi shutterstock
चॉकलेटी किंवा तपकिरी स्त्राव - Brown Discharge

योनीतील स्त्रावामध्ये चॉकलेटी म्हणजेच तपकिरी रंग दिसणे हे धोकादायक नाही. हे योनीमध्ये किंवा त्याच्या सभोवतालच्या कोरड्या रक्तामुळे होते. हे गर्भधारणेच्या सुरुवातीच्या लक्षणांपैकी एक आहे. परंतु, जाड तपकिरी स्त्राव असल्यास, तुम्ही डॉक्टरांना भेटावे.
गुलाबी स्त्राव - Pink Discharge

गर्भधारणेच्या शेवटच्या आठवड्यात, योनीतील स्त्रावामध्ये गुलाबी गुठळ्या दिसणे, म्हणजे तुमचे शरीर आता प्रसूतीसाठी तयार असल्याचे लक्षण आहे. परंतु, जर सुरुवातीच्या महिन्यांमध्ये गुलाबी गुठळ्या दिसल्या तर ते एक्टोपिक गर्भधारणा किंवा गर्भपाताचे लक्षण असू शकते. त्यामुळे, असे झाले तर ताबडतोब डॉक्टरांना भेटा.
लाल स्त्राव - Red Discharge

लाल रंगाचा स्त्राव हा कोणत्याही प्रकारे सामान्य किंवा निरोगी नाही. लाल रंगाचा स्त्राव दिसल्यास ताबडतोब डॉक्टरांना भेटा. लाल स्त्राव आणि त्या सोबतच ओटीपोटात तीव्र वेदना होत असतील तर ते गर्भपाताचे लक्षण आहे.
जास्त स्त्राव येत असल्यास काय करावे ? How to deal with Heavy Discharge?

Vaginal discharge during pregnancy meaning and reasons in marathi shutterstock

गरोदरपणात योनीच्या स्वच्छतेची काळजी घ्या. संसर्ग झाल्यास, डॉक्टरांच्या औषधांसह तुमची वैयक्तिक स्वच्छता आणि आहारामध्ये काही बदल करा. यासाठी:

1. योनी वारंवार साबणाने धुवू नका, यामुळे तिचे पीएच संतुलन बिघडते आणि संसर्गाचा धोका वाढतो.

2. जास्त स्त्राव झाल्यास पँटी-लाईनर घाला, ज्यामुळे ओलेपणा तुम्हाला टाळता येईल.

3.लघवी केल्यानंतर तो भाग कोरड्या टिश्यूने पुसून टाका.

4. आंघोळ केल्यानंतर आणि स्विमिंग केल्यानंतर जननेंद्रियाचा भाग पूर्णपणे कोरडा होऊ द्या.

5. फक्त कॉटनची इनरवेअर घाला.

6. तुमच्या आहारातील साखरेचे प्रमाण कमी करा. जास्त साखर खाल्ल्याने बुरशीजन्य संसर्ग वाढतो.

7. असे प्रोबायोटिक्स आणि फूड सप्लिमेंट्स घ्या की ज्यामुळे बॅक्टेरिआच्या संसर्गाचा धोका कमी केला जाऊ शकतो.

यासोबतच, तुम्ही तुमच्या डॉक्टरांची वेळोवेळी भेट घेत राहणे हे महत्त्वाचे आहे. त्यांना तुमची लक्षणे खऱ्या अर्थाने सांगा जेणेकरून सर्व प्रकारचे संक्रमण आणि धोके यांच्यापासून बचाव करता येईल.

अशाच, माहितीपूर्ण लेखांसाठी iDiva मराठी वाचत रहा.